Пратеникот на ДУИ, Артан Груби, денеска се сретна со Аник ван Калстер, амбасадорка на Белгија во Македонија, со која разговараше за актуелната политика во Македонија, спроведувањето на Договорот од Пржино и за преговорите на работните групи, експертизата на Охридскиот договор, предвремените избори и за прашањето за името и за евро-атлантската интеграција.
„Во врска со анализата на Охридскиот договор, Груби истакна дека овој процес е обврска на Владата, кој произлегува од извештајот за напредокот, дијалогот на високо ниво, заклучоците на Владата и од акциониот план, додека препораките кои ќе бидат изведени од сеопфатниот процес на Секретаријатот ќе ги зајакнат стабилноста во оваа земја и меѓуетничките односи и ќе ја направат демократијата постабилна. Груби нагласи дека анкетата на ИРИ ја потврди волјата на апсолутното мнозинство на Албанците за поддржување на ДУИ на следните избори, бидејќи во ДУИ тие гледаат безбедност и стабилност за себе и за земјата. Груби изрази уверување дека ДУИ ќе ги исполни и отчекувањата на граѓаните за еден нов дух во албанската политика“, информираат од ДУИ.