Грчкиот министер за цивилна заштита Нотис Митараки поднесе оставка откако беше забележан на одмор додека шумските пожари се шират низ целата земја.
Премиерот Кирјакос Мицотакис ја прифати оставката на министерот одговорен за службите за јавна безбедност, вклучително и полицијата, која и помага на противпожарната служба со повеќекратните шумски пожари во туристичките дестинации, во близина на градовите и воените бази во изминатите две недели.
Очевидци, според локалните медиуми, го забележале сега веќе поранешниот министер Митараки на островот Патмос.
„Тој се појави вчера наутро на далечен остров за да го започне својот одмор, се качи на брод неколку часа, а потоа се врати во раните попладневни часови како се да е во ред, а капачите во областа се прашуваа дали гледаат правилно“, изјавил очевидец за весникот Катимерини.