Претрес во станот на 18-годишниот напаѓач во трговскиот центар во Минхен, утрово изврши германската полиција.
Напаѓачот живел заедно со своите родители во реонот Максфорштад.
Во вчерашниот напад девет лица загинаа, а 16 се повредени. Шефот на полицијата во Минхен, Хубертус Андре, истакна дека е пронајдено и телото на напаѓачот, кој извршил самоубиство.
Напаѓачот е идентификуван како Германец со иранско потекло, кој немал криминално досие и најверојатно дејствувал сам.
– Мотивите за нападот се целосно нејасни – посочи Андре.
Претходно полицијата веруваше дека во нападот учествувале три лица, но Андре прецизира дека другите две лица за кои се веруваше да се соучесници, само бегале од истрелите.