Амбасадата на Франција во Македонија соопшти дека ја поздравува одлуката на претседателот Ѓорге Иванов да го додели мандатот за формирање нова влада на лидерот на СДСМ, Зоран Заев.
„Со одлуката се отвора перспектива за брзо формирање на функционална влада што ќе одговори на суштинскиот интерес на земјата и ќе овозможи продолжување на спроведувањето на неопходните реформи за нејзина европска интеграција“, се вели во соопштението на француската амбасада.