Филипинскиот претседател Родриго Дутерте денеска, за време на посетата на Токио, повтори дека сака странските трупи да ја напуштат неговата земја, по можност во следните две години.
Дутерте во говорот на економскиот форум во Токио рече дека тој спроведува независна надворешна политика.
Присуството на американските војници во пет филипински кампови е договорено со договор кој САД го потпишаа со претходникот на Дутерте, за да се воспостави противтежа на кинеската воена надмоќ.
Дутерте, сепак, се приближи до Кина и сега ја критикува американската воена политика.
Филипинскиот лидер се наоѓа во тридневна посета на Јапонија. Во текот на денот се очекува да се сретне со јапонскиот премиер Шинѕо Абе, а вечерта, според најавите, Абе ќе му приреди прием.