Европскиот комесар за внатрешни работи и за миграција, Димитрис Аврамопулос, во Будимпешта изјави дека оградата и насилството не се решение за мигрантската криза.
Тој ги повика унгарските власти да им се придружат на заедничите европски напори за да се реши кризата.
– Оградата е привремено решение и со тоа се доведува само до пренасочување на приливот на беглаци и дозголемување на тензијата. Ниту насилството не е решение – рече комесарот Аврамополус.
Тој ги предупреди унгарските власти дека нивна морална должност е да ги заштити тие луѓе и дека на тоа ги обврзуваат европските и меѓународните принципи.
– Апелирам до вас да работите заедно со нас, Европската унија, да пронајдеме заедничко и трајно решение – рече Аврамопулос.