Премиерот на Албанија, Еди Рама, денеска ќе го посети Косово каде ќе присуствува на откривање на споменикот на првиот премиер на независна Албанија, Исмаил Чемали, пред еден од објектите на Владата на Косово.
Идејата, споменикот на Чемали да се постави во Приштина, дојде кога група албански интелектуалци ја посетија Приштина, во ноември минатата година.
Иако нема официјални најави за средба на Рама со највисоките официјални лица на Косово, се очекува да се сретне со премиерот Иса Мустафа, како и со заменик-премиерот и министер за надворешни работи на Косово, Хашим Тачи.