Претседателот на Европскиот совет, Доналд Туск, во рамките на својата турнеја по балканските земји погодени од мигрантската криза, денеска ќе престојува во Македонија.
За попладне е најавено тој да се сретне со македонскиот претседател Ѓорге Иванов.
Денеска во Македонија ќе бидат и премиерот на Словачка, Роберт Фицо, и словачкиот министер за внатрешни работи, Роберт Калинак.
Тие, заедно со министерот за внатрешни работи Оливер Спасовски, ќе го посетат прифатниот центар за мигранти Винојуг.