Кина денеска изврши девалвација на националната валута јуан на најниска вредност во последните три години, по објавувањето на информациите за слабите економски перформанси.
Потегот е оценет како реформа во насока кон отворен пазар.
Централната банка соопшти дека станува збор за „еднократно намалување на вредноста“ од речиси два отсто, кое е извршено во согласност со новите правила за регулирање на курсот во согласност со состојбата на пазарот.
Економистите сметаат дека оваа мерка ќе им помогне на кинеските извозници.