Денеска времето во Македонија ќе биде сончево со мала до умерена облачност, а во одделни котлини претпладне ќе има појава на магла.
Утринската температура се движи од минус 14 до минус 4 Целзиусови степени, а дневната ќе достигне од минус 3 до 6 степени.
Во Скопје денеска ќе биде умерено облачно и студено, со магла во утринските и во претпладневните часови. Дневната температура во главниот град ќе достигне до минус 2 Целзиусови степени.
За време на викендот и во понеделник времето во земјава ќе биде стабилно со ниска утринска температура, која на повеќе места ќе се спушти под минус 10 Целзиусови степени. Претпладне по одделни котлини ќе има појава на магла.