Во „Кампот на слободата“ пред Владата, денеска во 18 часот ќе се одржи дебата на тема „Каква Македонија сакаме по излезот од политичката криза? Визии, позици и политики“. На оваа тема ќе дебатираат претставници на граѓанските организации и претседателот на СДСМ, Зоран Заев.
Говорници од граѓанскиот сектор ќе бидат Наталија Поповска од „Транспарентност Македонија“, Мухамед Зекири – новинар, Дона Костуранова од Национален младински совет на Македонија, Ирена Стефоска од „Вокс академика“, Никола Писарев од Центар за современи уметности, Уранија Пировска од Хелсиншки комитет за човекови права, Славчо Димитров од Коалиција „Сексуални и здравствени права на маргинализирани заедници“ и Владимир Лазаревик од „Хелтгрупер“.
Модератор на дебатата ќе биде Марјан Забрчанец од Платформа за граѓанска политика „Ајде“.