По нешто повеќе од една фунта на годишно ниво ќе плаќа секој жител на Велика Британија за одржување на кралското семејство. Овој податок е обелоденет откако Бакингамската палата сооопшти дека за изминатата година за кралското семејство биле потрошени 35,7 милиони фунти.
Половина од парите биле наменети за тековните службени должности на кралицата, а другите за одржување на кралските резиденции и објекти. Една третина од годишните трошоци, практично, се направени за настаните и за манифестациите на кои кралицата се појавува како официјален домаќин, во нејзината службена резиденација.