Во Основниот суд во Подгорица, главниот град на Црна Гора, денеска се случи тежок инцидент, во кој извесен 40-годишен Младен Булатовиќ, жител на Подгорица, активирал бомба. Тој загинал, а седум лица се повредени, јави Радиотелевизија Црна Гора.
Инцидентот се случил во 11:35 часот. Бомбата била активирана во просторот меѓу двете врати во првиот влез во судот. Мотивите на Булатовиќ се засега непознати.
Повредените се згрижени во Клиничкиот центар. Меѓу нив има еден адвокат и двајца вработени во судот.