„Биди креативен и помогни“ е пораката со која се повикуваат сите граѓани да го дадат својот придонес во мисијата за испраќање на децата од СОС Детско село на летен одмор во рамки на донаторска кампања „Од срце за срце“.
Кампањата која почнува денеска е во организација на СОС Детско село, Шпаркасе банка и Медиа-принт Македонија..
Во јуни 100 креативни дела ќе бидат публикувани во книга под наслов „Од срце за срце“, од чија продажба средствата ќе бидат донирани во СОС Детско село. За најдобрите три дела следуваат подароци.
Граѓаните, како што е наведено во соопштението, ќе може да се вклучат и со донирање, во согласност со своите можности, преку посебната трансакциска сметка на СОС Детско село во Шпаркасе банка, број 250-1010002868-04. Донациите ќе може да се реализираат и со повик на хуманитарниот телефонски број 143-456 на сите три мобилни оператори . Секој повик чини 1118 денари со вклучен ДДВ.