На граничниот премин Богородица има задржувања од половина час на македонската страна од границата, додека подолги задржувања има на грчкиот дел на преминот, при влез во Грција, информира попладнево Автомото-сојузот на Македонија (АМСМ).
Оттаму информираат дека на граничниот премин Дојран, на границата со Грција, задржувањата се околу 15 минути. На другите гранични премини нема подолги задржувања за влез и за излез од државата.
Сообраќајот на патиштата надвор од градските средини е со зголемен интензитет, информираат од АМСМ.
Утрово, дел од медиумите пренесоа дека големи колони, долги и по еден километар, чекаат на преминот Богородица за влез во Грција.