Џули Брискман, која му покажала среден прст на претседателот на САД, Доналд Трамп, кога неговата колона минувала покрај неа додека таа возела велосипед, е отпуштена од работа.
Нејзиниот потег го сликал фотографот на Белата куќа, Брендан Смијаловски. Брискман работела за „Екима ЛЛЦ“, агенција за маркетинг и за комуникации, базирана во сојузната држава Вирџинија.
– Ми рекоа „сакаме да се разделиме од тебе”. Всушност, ми кажаа дека не можам да имам „непристојни“ и „безобразни“ работи на социјалните мрежи. Значи, според нив, тоа што му покажав среден прст е „безобразно“ – вели Брискман, која е самохрана мајка.
Инцидентот се случил на 29 октомври, кога конвојот возила во кои бил Трамп напуштал еден од приватните голф-терени на Трамп во Стерлинг, Вирџинија.