Евроамбасадорот Самуел Жбогар денеска ќе ја посети Општина Струмица во рамки на кампањата „ЕУ за тебе“ и ќе направи увид во проектот „Третман на отпадните води“, финансиран од ЕУ со 5,7 милиони евра.
Проектот, кој се реализира во соработка со Министерство за животна средина и просторно планирање, Општина Струмица и со Јавното претпријатие за комунален отпад, предвидува изградба на пречистителна станица, супервизија и подготвување студии.
Во рамки на посетата, Жбогар ќе се сретне и со в.д. градоначалникот на Струмица, Коста Костадинов.
Кампањата „ЕУ за тебе“, која почна на 27 јануари во Кичево, има цел да ја подигне свеста и информираноста на јавноста за помошта што ја обезбедува Европската Унија за земјава.