Трошоците на живот во март годинава, во однос на претходниот месец, се поголеми за 0,1 отсто, а цените на мало се повисоки за 0,2 проценти, објави Државниот завод за статистика.
Повисоките трошоци се должат на повисоките индекси на свежото и разладеното овошје за 2,7 отсто, јајцата за 1,1 отсто, сушениот зeленчук, друг конзервиран и преработен зеленчук, шеќерот, џемот, медот, чоколадата и кондиторските производи за 0,5 отсто, свежата и разладената риба за 0,3 отсто.
Индексот на трошоците на живот во март 2016 година, во споредба со истиот месец лани, бележи намалување од 0,4 отсто, а индексот на цените на мало бележи намалување од 1,1 отсто.