Земјоделците од населба Петровец еден час го блокираа сообраќајот бидејќи се незадоволни од политиката на власта за земјоделците и од доделувањето на земјиштето, јавува „Алсат-М“.
Како што велат, имаат проблеми бидејќи земјоделското земјиште не се доделува на вистинските земјоделци.
– Земјиштето го земаат само две фамилии, а немаат ни стока, ни ништо. Се дава под концесија, па тие го изнајмуваат и заработуваат – се жалат земјоделците.
Плодното земјоделско земјиште од околу 40 хектари било дадено на фирма која се занимава со сепарација на песок на реката Пчиња, а некогаш овде постоела оранжерија која вработувала 80 луѓе.