Здружението „Мултикултура“ од Тетово со бесплатни совети и бесплатна правна помош ќе им помага на сите работници чии права се загрозени во време на пандемијата со коронавирусот.
„Право на бесплатна правна помош имаат лицата кои, со оглед на својата материјална положба, не би можеле да ги остварат со Устав и закон загарантираните права, без да го загрозат сопственото издржување и издржувањето на членовите на своето семејство со кои живеат во заедничко домаќинство“ – велат од Здружението.
Тука спаѓаат лица корисници на социјална помош, корисници на правото на инвалидски додаток, лица кои не остваруваат други приходи по основ на заработувачка или приходи од недвижности, корисници на најниска пензија кои живеат во семејна заедница со две или повеќе лица издржувани од него и семејства или самохран родител со едно или повеќе малолетни деца кои остваруваат право на детски додаток.
Од „Мултикултура“ ги советуваат сите кои имаат потреба од правна помош да се пријават преку телефонските броеви 070/858-144 и 044/377-775, и-мејл адресата: info@multikultura.org.mk или пак преку профилите на „Мултикултура“ на социјални мрежи.