Еквадорските власти во близина на островот Галапагос откриле своевидна подморница, во која имало еден тон кокаин, соопшти еквадорската крајбрежна стража.
Операцијата на запленување на пловниот објект и дрогата е извршена во соработка со полициските сили на Еквадор и Колумбија, изјави заменик министерот за внатрешни работи на Дијего Фуентес.
Пловниот објект е пресретнат во близина на островот Хеновес, на северот на архипелагот Галапагос, а во операцијата се уапсени три лица.
Еквадорските власти на почетокот на мај соопштија дека од почетокот на годинава заплениле околу 26 тони дрога, претежно кокаин, кој бил наменет за странските пазари.