Зоран Заев, лидерот на СДСМ, денеска се сретна со амбасадорот на Шведска во Македонија, Матс Стафансон.
Од СДСМ информираат дека тема на разговор на средбата биле актуелната политичка ситуација и начините за надминување на длабоката политичка криза.
„Кризата во земјава треба час поскоро да заврши. Неопходно е обезбедување на владеење на правото и реализирање на регуларни, фер и веродостојни избори преку исполнување на сите услови. Потребна е влада што успешно ќе спроведе фер избори, на кои граѓаните ќе имаат доверба дека ќе ја обезбеди нивната слободна волјата во целост и ќе го гарантира нивното право за слободен глас“, истакнал Заев.
Тој додал дека за излез од кризата клучни се прочистувањето на избирачкиот список и реформите во медиумската сфера, преку исполнување на обврските што произлегуваат од Договорот од Пржино.
Како што информираат од партијата, на средбата било заклучено дека фер и веродостојни избори се неопходни за Република Македонија да се врати во нормален колосек.