Центарот за младински активизам „Крик“ за зголемување на свеста за лицата со Даунов синдром, вечерва во Безистенот на Старата скопска чаршија организира забава, како дел од активностите во октомври – месец посветен на овие лица.
На забавата ќе бидат прикажани едукативни видеоматеријали и ќе се одржат квизови.
Даунов синдром е генетско нарушување. Менталниот развој кај лицата со Даунов може да биде од лесна до средна (умерена) попреченост. Малкумина од нив имаат тешка ментална попреченост. Застапеноста на Дауновиот синдром е 1 на 800 или 1.000 раѓања. Иако некои од физичките недостатоци не можат да бидат надминати, соодветното образование и грижа може да го подобри квалитетот на живот кај овие луѓе, така што овие лица уживаат во секојдневните активности исто како и сите други. Тие уживаат да танцуваат, да се дружат, да пеат, да одат во училиште, соопштуваат од ЦМА „Крик“.