Времето денеска во Македонија ќе биде сончево, со мала до умерена локална облачност. Во попладневните часови ќе има услови за изолирана појава на краткотраен дожд со ретки грмежи. Преку денот ќе дува слаб до умерен североисточен ветер во североисточниот дел од земјава.
Утринската температура ќе се спушти од 8 до 16 Целзиусови степени, а дневната од 21 до 32 степени.
Во Скопје ќе биде сончево, со мала до умерена облачност. Во попладневните часови ќе има услови за изолирана појава на краткотраен дожд со ретки грмежи. Ќе дува слаб североисточен ветер.
Утринската температура ќе се спушти до 14 Целзиусови степени, а дневната ќе достигне 31 степен.
Во наредните денови се очекува претежно стабилно и суво време. На некои места сè уште е можна изолирана појава на краткотраен дожд со ретки грмежи.