Вчера, во 10.25 часот, во полициска станица Гевгелија, граѓанин пријавил дека во атарот на село Миравци, кај месноста Вирот, во непосредна близина на железничката пруга, забележал машки труп.
На местото увид извршиле јавен обвинител и екипа од Полициската станица Гевгелија, а од екипа на Итна медицинска помош констатирана е смрт која настанала како последица од удар во пределот на главата, нанесен од воз.
Кај починатото лице не се пронајдени документи за идентификација и се претпоставува дека најверојатно се работи за странски државјанин. Со наредба на јавен обвинител, телото е предадено на обдукција.