Од Министерството за внатрешни работи информираат дека во изминатите 24 часа регистрирани се 440 прекршоци по однос на мерката за неносење лична заштита на лицето. Додека пак, за мерката самоизолација евидентиран е еден прекршител.
На територијата на државата на 368 лица им се издадени решенија за изолација, а 47 потпишале изјави за самоизолација.
Поминаа два дена откако целосно се укина мерката полициски час во земјава. На сила остануваат да важат мерките носење заштитна маска, држење физичка дистанца и честа дезинфекција. Паричната казната за неносење заштитна маска е 20 евра.