Холандската полиција во пратка ананаси пронашла повеќе од еден тон кокаин, чија вредност на црниот пазар изнесува околу 30 милиони евра, и уапсила четири лица.
Врз основа на дојава, полицијата упаднала во магацин во градот Рамсдонксвер, каде во вреќите во кои требало да има ананас, пронашла дрога.
Во полициското соопштение се наведува дека запленети се околу 1.100 килограми кокаин, кој на црниот пазар има вредност меѓу 25 и 30 милиони евра.
Четворица мажи, на возраст меѓу 22 и 28 години, осомничени се за трговија со дрога и неделава ќе бидат изведени пред судот во Ротердам, соопшти полицијата.