Вчера, во 22.30 часот, во СВР Куманово пријавено е дека во базенот на бањата Стрновац – Општина Старо Нагоричане е пронајдено починато лице.
По овластување од Јавно обвинителство, на местото на настанот пристигнале полициски службеници и лекар, при што е констатирано дека се работи за тело на непознато машко лице, кое се наоѓало на скалите за влез во базенот, свртено со лице во водата.
При првичниот преглед на телото, лекарот утврдил дека на телото не се забележуваат видливи траги на насилство.
Увид на местото на настанот извршила екипа од СВР Куманово, а по наредба на Јавно обвинителство, телото, кое сè уште не е идентификувано, а и нема пријава за исчезнато лице, е предадено за обдукција.
Се преземаат мерки за целосно расчистување на случајот.