„СДС во страв од соочување со граѓаните се обидува да го пролонгира рокот за одржување на локалните избори. СДС треба да собере храброст и барем еднаш да ги стави државните интереси и приоритети над партиските“, порача ВМРО-ДПМНЕ.
„СДС и парламентарното мнозинство мораат да овозможат непрекинато фунционирање на единиците на локалната самоуправа и во најкус можен рок да изгласаат продолжување на мандатите на градоначалниците и на советите на општините и на Градот Скопје, но и да се определи најбрз можен датум за одржување на локалните избори. Одржувањето на локалните избори нема никаква врска со формирањето влада. СДС не треба и не смее да бара изговори за одржување на локалните избори, кои се редовни и неопходни. Пролонгирањето на локалните избори не е притисок врз претседателот Иванов, туку само обид да се купи време за локалните избори да не се одржат на почетокот на јули, од страв дека истите катастрофално ќе ги изгубат како последица на антидржавното дејствување на Заев и на целиот врв на СДС“, се вели во соопштението од ВМРО-ДПМНЕ.