ВМРО-ДПМНЕ нема да го поддржи изборот за нов јавен обвинител бидејќи е спротивно на членот 8а од Изборниот законик и на денешната седница ќе се спротивстави на ваквата иницијатива на СДСМ, рече пратеникот Илија Димовски во однос на распишувањето оглас за избор на нов јавен обвинител.
Димовски најави дека пратеничката група на ВМРО-ДПМНЕ денеска ќе поднесе три закони по скратена постапка – закон за зголемување на минимална плата за административците од 5 отсто, закон за извршители и закон со кој на студентите ќе им бидат доделувани ваучери за компјутери.
Тој, исто така, истакна дека ако СДСМ имаат фер пристап кон предлозите на ВМРО-ДПМНЕ, тогаш и тие исто така ќе бидат фер и конструктивни кон нивните предлози.