Денеска со почеток во 12 часот, Владата на Република Македонија ќе ја одржи својата десетта седница.
На седницата, според информациите од прес-службата, Владата ќе расправа за состојбата и за напредокот во процесот на европската интеграција, за степенот на користење и на имплементација на фондовите од ЕУ, како и за статусот на реализација на приоритетите на РМ за влез во НАТО и за статусот на реализација на Рамковниот договор.
Владата на денешната седница ќе расправа и по информацијата за преземени активности во насока на реализација на проектот за поддршка на преработувачката индустрија, а ќе бидат разгледани и повеќе информации за тековни активности од областа на угостителството.
Како што информираат од службата за односи со јавноста на Владата, таа на денешната седница ќе разгледа и повеќе иницијативи од интерес на граѓани и на здруженија, како и за кадровски и за други прашања и предлози.