Владата на Република Македонија денеска на седница усвои дваесетина закони за усогласување на регулативата.
Портпаролот на Владата, Александар Ѓорѓиев, соопшти дека законите се од различни области: земјоделство, труд и социјална политика, економија, финансии, царина. Според Ѓорѓиев, тие опфаќаат 80-90 отсто од најчестите прекршоци.
Како што посочи Ѓорѓиев, новите закони ќе придонесат за растоварување на бизнисот од високи трошоци, имајќи предвид дека висината на глобите се приспособува на економската моќ на фирмите.
Законите ќе бидат испратени во Собранието за понатамошно гласање, за што побргу да почне правната примена на намалените санкции за стопанските субјекти.