Македонија Велешкото обвинителство отвори предмет по повикот за масовно одење во верските храмови

Велешкото обвинителство отвори предмет по повикот за масовно одење во верските храмови

Откако во медиумите се сподели јавното соопштение на Митрополитот Агатангел и Повардарската Епархија, со кое ги повикува верниците на масовно одење во храмовите за време на верскиот празник Духовденска Задушница додека на сила е забрана за групирање, движење и посета на гробишта, реагираше Основното јавно обвинителство Велес.

Оттаму отворија е предмет по допрен глас, со цел да се утврди дали во предметот има кривична одговорност, како и во поглед на почитувањето на мерките кои се определени од страна на Владата на РСМ.

Имено, од синоќа започна полицискиот час од 21 часот до понеделник до 05 часот, кој се однесува на сите скопски општини, како и за Куманово, Липково, Штип, Тетово, Боговиње, Брвеница, Теарце, Желино и Јегуновце. За останатите градови важи забраната за движење од четврток од 21 до 05 часот, а петок и за викендот од 16 до 5 часот, следниот ден.

Во периодот од четврток (4 јуни) од 21:00 часот до понеделник (8 јуни) до 05:00 часот, се забранува посета на гробиштата на територијата на цела држава, освен за погреби.