Се надевам на решение, но не сум оптимист, изјави белгискиот олеснувач Питер Ванхуате пред почетокот на средбата на работните групи на политичките партии потписнички на Договорот од Пржино во Клубот на пратеници.
– Ќе разговараме за сите предлози од политичките партии, новинарските здруженија и од организациите. Свесен сум дека има малку време, но ќе дадеме сè од себе да го затвориме и ова прашање – изјави Ванхауте.
Попладнево на средбата во Клубот на пратеници треба да пристигнат и амбасадорот на САД во Македонија, Џес Бејли, и евроамбасадорот Аиво Орав за дополнителен притисок за решавање на ова прашање до петок, кој е последен датум предвиден за постигнување договор во медумската сфера.
Засега ВМРО-ДПМНЕ останува на ставот да се преземе кој било европски закон и да се имплементира во македонското законодавство, додека СДСМ и ЗНМ го прифаќаат предлогот на Ванхауте.