На 7 септември (вторник), почнувајќи од 11 часот затворени за сообраќај ќе бидат улиците “11-ти Октомври” и “Димитрие Чупоски” во правец на движење од ул. “Васил Главинов” до ул. “Филип Втори Македонски”, додека спротивниот правец ќе биде отворен за сообраќај, а од 15 часот сообраќајот ќе биде затворен во двата правци.
Исто така, од 23 часот на 07.09.2021 до 11 часот на 08.09.2021 година, дополнително затворени за сообраќај ќе бидат улиците “Даме Груев” на потегот од крстосницата со улица “Македонија” до крстосницата со улица “11-ти Октомври”, улицата “Филип Втори” на потег од Кеј “13-ти Ноември” до улица “11-ти Октомври” и улицата “11-ти Октомври” на потегот од бул. “Кочо Рацин “до ул. “Даме Груев”.
„Согласно наведеното Одделението за безбедност на патниот сообраќај при Сектор за внатрешни работи Скопје ќе превземе мерки за посебен режим на сообраќајот по горенаведените улици, при што сообраќајот ќе се пренасочува по околните сообраќајници“, се вели во соопштението од МВР.
Секторот за внатрешни работи Скопје апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот, со цел безбедност на сите учесници во сообраќајот.