Киев објави дека украинската војска во последните 24 часа била 112 пати под огнот на сепаратистите и тоа без оглед на примирјето што стапи на сила на 15 февруари.
Министерот за надворешни работи, Павло Климкин, изјави дека Украина целосно го почитува примирјето, но ги обвини сепаратистите од Донецк и од Луганск за артилериски напад, како и за напади со ракетниот систем „Град“.
Завојуваните страни соопштија дека нема да го повлечат тешкото вооружување доколку продолжат нападите. Според договорот од Минск, тешкото вооружување е втората фаза од мировната спогодба.