Властите во Техеран го уапсиле поранешниот потпретседател Хамид Багхаеи под засега неразјаснети обвиненија, јави иранската новинска агенција.
Судскиот портпарол, Голамхосеин Мохсени Еџеи, само е цитиран во делот каде потврдува дека Багхаеи е уапсен на 8 јуни. Никакви други детали не се откриени.
Багхаеи бил потпретседател во мандатот на Махмуд Ахмадинеџад и бил задолжен за извршни работи.
Во јануари уште еден од замениците на Ахмадинеџад, поранешниот прв потпретседател Мохамед Реза Рахими, беше осуден на пет години затвор и на парична казна од 1,2 милион долари за скандал поврзан со уценување.
Сегашниот претседател Хасан Рохани ја обвини поранешната влада на Ахмадинеџад за повеќе проневери за време на својот осумгодишен мандат.