Турција нема да се откаже од своите операции во Сирија, изјави денеска на прес-конференција шефот на турската дипломатија, Мевлут Чавушоглу.
Изјавата на Чавушоглу доаѓа откако сириски воен хеликоптер бомбардирал и убил бунтовници кои Турција ги поддржува.
Во нападот кој се случил доцна синоќа, убиени се двајца бунтовници, а ранети се пет во првиот директен судир на бунтовниците и на сириските сили од август годинава, кога турската војска влезе во Сирија.
Силите лојални на Бараш ал Асад ќе продолжат да ги бомбардираат бунтовниците наместо Исламска држава, а турската војска ќе продолжи да го „чисти“ просторот околу својата граници, рече Чавушоглу, додавајќи дека ќе продолжат да ги поддржуваат бунтовничките сили при заземањето на сирискиот град Ал Баб.