Турскиот Совет за високо образование им забрани на сите академици да патуваат надвор од земјата, јави турската државна телевизија ТРТ.
Засега не се знае до кога ќе трае забраната за патување во странство, која доаѓа непосредно откако владата нареди разрешување на 1.577 декани од универзитетите во земјата и им ги одзеде лиценците за работа на околу 21.000 наставници во приватните училишта.
Според последните процени на агенцијата „Блумберг“, досега се отпуштени околу 60.000 професионалци поради сомневање дека се поврзани со пучот што, наводно, го предводи свештеникот Фетулах Ѓулен, кој доброволно живее во егзил во САД.