Кој во оваа земја е надлежен за сериозните изборни нерегуларности, прашува невладината организација „Цивил“, повикувајќи се на изјавата од Државната изборна комисија (ДИК), која се прогласи за ненадлежна да расправа за изборните нерегуларности.
„Дали е воспоставена контрола и врз ДИК и дали со тоа функцијата претседател на ДИК, иако е од опозицијата, често е само формалнo и не може да придонесе за подобрување на изборните процеси во земјата. ДИК на својот состанок на 24 март се прогласи за ненадлежна за изборните нерегуларности што ги обелодени опозицијата во изминатите неколку недели. Оваа реакција на ДИК е слична со онаа кога ноќта по затворањето на гласачките кутии на 27 април 2014 година, ние пријавивме забелешки, како и детален извештај за нерегуларностите, злоупотребите и за кршењето на изборниот законик“, пишува во соопштението на „Цивил“.