Продажните цени на производителите на индустриски производи на странски пазари во октомври годинава биле пониски за 0,9 отсто на месечно ниво, а за 6,7 проценти на годишно ниво, објави Државниот завод за статистика.
Во октомври 2015 година, во споредба со претходниот месец, цените се пониски во секторот рударство и вадење камен за 2,2 проценти, а во секторот преработувачка индустрија – за 0,7 отсто.
Во октомври, во споредба со истиот месец лани, продажните цени на производителите на индустриски производи на странски пазари се пониски во секторот рударство и вадење камен за 12,9 проценти, а во секторот преработувачка индустрија – за 6 проценти.