Секој пензионер, согласно законот за пензии и членот од законот за усогласување со порастот на трошоци за живот и порастот на плати, ќе добива по 180 денари секој месец, од јануари до декември, или за 2017 година ќе добие вкупно 2.160 денари, изјави денеска на прес-конференција министерката за труд и социјална политика, Мила Царовска.
Таа рече дека ова право на пензионерите нема да им биде скратено.
– Во 2016 година пензионерите едонкратно добија 630 денари зашто усогласувањата кои се правеа двапати годишно, ВМРО-ДПМНЕ ги скрати. На крајот на секоја година ќе ја процениме кондицијата на буџетот и ќе обезбедиме дополнително зголемување на пензиите ако тоа го дозволува државната каса – рече Царовска.