Индексот на трошоците за живот во март 2018 година е на исто ниво како и претходниот месец, а има зголемување од 1,6 отсто во однос на истиот месец лани, објави Државниот завод за статистика.
Пораст на индексите на трошоците на животот во март, во споредба со претходниот месец, е забележан кај свежото и разладеното овошје за 7,1 отсто, житата за 1,6 отсто, замрзнатото овошје за 1,2 отсто.
Во истиот период, намалување на индексите на трошоците на животот е забележано кај оризот за 1,5 отсто, сувото овошје и јаткастите производи за 1,1 отсто, а незначително намалување на цените има кај месото, јајцата, рибата, морските плодови, јогуртот.