Во прифатен центар на стадионот „Палео Фалиро“ кај Атина, настанала тепачка меѓу бегалците, поради што полицијата привела повеќе од 100 лица, пренесуваат медиумите.
Судирот се случил откако една група Мароканци ги уценувала другите бегалци, нудејќи им заштита за пари. Исто така им се заканувале дека ако ја одбијат заштитата, ќе се соочат со физичка казна.
Бидејќи најголем дел од бегалците ја одбиле таа понуда, уценувачите ги нападнале. Во тепачката биле искршени прозорци и мебел.
Грчкиот министер за миграција, Јанис Музалас, изјави дека во тој центар се сместени економски мигранти и дека некои од нив се сторители на кривични дела. Меѓу нив се државјани од Мароко, Алжир, Јемен.
Полицијата привела повеќе од 100 лица, на кои им се заканува депортација.