Портпаролот на иранското министерство за надворешни работи, Хосеин Џабер Ансари, ја обвини Саудиска Арабија дека поддржува тероризам и оти ги убива противниците на тероризмот.
„Саудиската влада поддржува терористи и радикални сунитски екстремисти, убивајќи и задушувајќи ги критичарите во земјата“, соопшти портпаролот.
Властите на Саудиска Арабија денеска погубија 47 лица поради тероризам, соопшти саудиското министерство за внатрешни работи.
Меѓу погубените е и истакнат шиитски муслимански имам.