Продолжува четиридневната празнична програма по повод Свети Никола, празникот на патронот на градот Штип. За денеска напладне е закажана промоцијата на книгата „Македонија – во светот, светот – во Македонија“ од професoрот во пензија, Блаже Китанов. Промотори на книгата се историчарот Тодор Чепреганов и Стефан М. Влахов. Вечерва, пак, ќе се одржи концерт на градскиот хор Штип: „Во сеќавање на Ангел Давчев“.
За утре и за задутре се предвидени уште неколку настани, а свечената академија, како централен настан, ќе се одржи в петок, на празникот Свети Никола.