Повеќе стотици студенти денеска се собраа пред комплексот факултети на Универзитетот „Свети Кирил и Методиј“, на марш против идејата на владата да воведе екстерно оценување на универзитетот.
Тие маршот го продолжија кон седиштето на Владата на Република Македонија.
Според најавите од Министерството за образование и наука, испитот треба да се спроведува двапати: првпат кога студентот ќе ја заврши втора година од студиите, со прашања од сите предмети што дотогаш ги полагал, и уште еднаш на крајот од четврта година со прашања од трета и од четврта студиска година. На оние што нема да ги положат испитите, ќе им биде прекинато школувањето.