Nikolla Gruevski ka vërtetuar se ka kryer përgjimin bashkë me kusheririn e tij, drejtorin e DSK-së, Sasho Mijallkov. Shilegov tha se Gruevski ka pranuar se me bashkëpunëtorët e tij më të ngushtë ka ndërhyrë në gjyqësi, kanë kurdisur vendime gjyqësore, kanë zgjedhur dhe shkarkuar gjykatës sipas përshtatshmërisë partiake. “Këtë e dëshmoi ikja e Gruevskit nga komentimi i përmbajtjes skandaloze të bisedave të përgjuara. Këtë e vërteton edhe heshtja bashkëpunëtorëve të tij më të ngushtë, dirigjentët në gjyqësi, Mijallkov, Stavrevski dhe Jankullovska. Më kot Gruevski mundohet me manipulime”, tha Shilegov. Sipas tij, prej dje opinion e kuptoi se kush ka shkelur rendin kushtetues të Republikës së Maqedonisë duke apostrofuar këtu kryeministrin Gruevski dhe disa bashkëpunëtorë të tij, mes tyre edhe prokurorin publik, Marko Zvërlevski, i cili tha se paguhet nga qytetarët t’i mbrojë interesat e tyre. “Zvërlevski në vend që të ngre procedurë për përgjimin skandaloz dhe ndërhyrjen e pushtetit ekzekutiv në atë gjyqësor, sot me deklaratën e tij vetëm vërtetoi se është partiak dhe jo prokuror publik i Republikës së Maqedonisë”, akuzoi zëdhënësi i LSDM-së, Petre Shilegov.