fbpx

Jovo Vangelovski, kryetari i ri i Gjykatës Supreme, Stojançe Ribarev, u.d kryetar i Penales

-

Këshilli Gjyqësor në seancën e sotme emëroi gjykatësin Jovo Vangelovski për kryetar të Gjykatës Supreme dhe gjykatësin suprem, Stojançe Ribarev e zgjodhi për u.d kryetar të Gjykatës Themelore Shkupi 1. Për Vangelovskin votuan 12 anëtarët të Këshillit, 1 kundër ndërsa sipas rregullit të Badenterit, që është i domosdoshëm gjatë emërimit të kryetarit të gjykatës, pesë ishin “për” ndërsa një “kundër”. Për Ribarevin votuan dhjetë anëtarë të Këshillit Gjyqësor ndërsa katër ishin “kundër” pasi paraprakisht u konstatua dorëheqja e kryetares Tatjana Mihajlova.

Dy gjykatësit u emëruan me propozim të kryetarit të Këshillit gjyqësor, Zoran Karaxhovski.

Ai në prononcimin para mediave pas seancës tha se kanë vendosur që për u.d kryetar të Gjykatës Themelore Shkupi 1 ta emërojnë Ribarevin sepse vjen nga gjykata më e lartë apo nga Gjykata Supreme dhe ka përvojë si kryetar i Gjykatës Themelore dhe të Apelit në Shtip.

Karaxhovski deklaroi se qëllimi është që të tejkalohet gjendja në Gjykatën Penale Shkup pas dorëheqjes së u.d kryetares Tatjana Mihajlova, që u konstatua në seancën e sotme.

 

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.