Një operacion gjigant shpëtimi po zhvillohet ende pranë brigjeve të Libisë, pasi një anije me 700 emigrantë është mbytur. Lajmi bëhet i ditur nga shumë media ndërkombëtare. “Numri i viktimave të mundshme nuk dihet ende, ndërkohë që ekipet e shpëtimit kanë mundur të nxjerrin nga deti rreth 100 persona”. Anija me emrin ”Dignity” e organizatës ”Mjekët Pa Kufij” gjendet pranë zonës së incidentit për të ofruar ndihmë, përfshi këtu edhe tri anije të tjera. Incidenti ndodhi 22 milje detare në veri të Zuarahut. Ky incident mund të jetë më i madhi që nga koha kur 800 emigrantë u mbytën në Lampeduza të Italisë, prillin e kaluar.